संस्थाकोे उद्देश्य देहाय बमोजिम हुनेछ ।
(क) यो संस्था मुनाफा रहित जनहितकारी सामाजिक संस्था हुनेछ ।
(ख) विश्वमा व्याप्त झै–झगडा, लडाई, र युद्धबाट सिर्जित अशान्तिको अन्त्य गर्न शान्तिको अग्रदुत भगवान् बुद्ध जन्मेको देश नेपालबाट शान्तिको सन्देश सशक्त रुपमा अघि बढाई आपसी भाइचाराको माध्यमबाट विश्वमा शान्ति स्थापना गर्न आवश्यक पहल गर्ने, गराउने ।
(ग) नेपाल लगायत विश्वमा छरिएर रहेका मानव जातीलाई एउटै सूत्रमा आबद्ध गरी विश्व बन्धुत्वको भावना अभिप्रेरित गराई एउटै घर परिवारको रुपमा विकास गर्ने, गराउने ।
(घ) आर्य धर्म, संस्कृति र परम्पराको अवधारणा विकास गराई सो सँग सम्बन्धित कुराहरुलाई समावेश गरी आवश्यक पुस्तकहरु प्रकाशन गर्ने, गराउने ।
(ङ) सामाजिक कुलतको रुपमा रहेको धुम्रपान, मध्यपान, जुवा तास जस्ता विकृतिलाई संसारबाटै अन्त्य गरी स्वच्छ, स्वस्थ समाजको स्थापना गर्न आवश्यक “अभियान” सञ्चालन गर्ने, गराउने ।
(च) शान्तिभूमि नेपालको अवधारणालाई आत्मसात गरी धार्मिक, सांस्कृतिक र शान्ति प्रेमी स्वदेशी तथा विदेशी पर्यटकहरुलाई आकर्षित गराई शान्ति सुरक्षाको प्रत्याभूत दिलाउन आवश्यक पहल गरी धार्मिक पर्यटनको माध्यमबाट देश विकासमा टेवा पु¥याउने ।
(छ) विश्वमा प्रतिबन्धित गाँजा, चरेस र हिरोयन जस्ता प्राण घातक लागू पदार्थ सेवनबाट समाजमा सिर्जना हुने अशान्तिको अन्त्य गर्न त्यस्ता वस्तुको सेवन, उत्पादन तथा बिक्री वितरणमा रोक लगाउन विशेष अभियान सञ्चालन गर्ने, गराउने ।
(ज) भगवान् बुद्धले प्राप्त गर्नु भएको “बोधिज्ञान” लाई आधार बनाई समस्त आमारुपी प्राणीहरुको भलाई र सुखको लागि नविनतम अभियानको थालनी गर्ने, गराउने ।